شايل جراح

فتشت ليكِ فى الدواخل
وفى المداخل
وفوق عيون انسان عزيز جانا داخل
اشتقت ليكِ
وندهت اسمِكْ
جانى صوتكِ فيه غُصه
والف قصهِ
اتكيت فى آهه منكِ
وسرحت فى نبض المتاهه
صحتنى دمعه
شارده من واحات حزنا
لامست قلبى البرِيدك
فتشت ايدىّ
عشان اعاهدكِ
اقول برِيدك
عارف ردكِ مابايدِك
حكمتى عقلكِ
وزدتى فضلكِ
ماعارفه قولِك علا قدرِك
وسابنى فى نص المسافه
ارجع واسيبِك
مانى قادِر أسيبِك
اتحدى ريدِك
مابكابر
واسانى طيفِك
قال نثابِر
وسمى الغرام صدقة مواسم
فيهو الحبيب لليل بقاسم
اتوارى طيفِك
وسابنى صابر
افتش ليكِ
فى الدواخل
وفى المداخل
وفوق عيون انسان عزيز
جانا داخِل
http://hatimawdh.blogspot.com