ما بندم عليك
لو لسه بعد القلتو ليكِ انتى جد ناويه الرحيل !
04-16-2012 11:15 PM
قولى لي مين الكلمِك قال ليكِ بصبر بي وراكِ
قال ليكِ مابتفرق معاي
لامن تفوت تسكن هناك
قال ليكِ بمسح ذكرتِك
كذب عليكِ وضللك
خلاك تعذبى زول هواكِ
والله ما اتمنيتو شئ غير احرسكِ
وافضل معاكِ
ماقصدي اقعد في رجاكِ
كان هدفي امسح دمعتك
ابقي سعدك وبسمتك
ابقى نجمات في سماكِ
لو لسه بعد القلتو ليكِ انتى جد ناويه الرحيل
ارحلى
ولا اسفا عليكِ
ارحلى بدون تبكيك عيني
صدقيني مابندم عليكِ
ولحظه تلاقينى عينيك
لوفي الخيال طيفك طرق ابواب هواي انا بقفلن مابفتحن
ماداير ارجع اتذكرك ماداير ارجع ليكِ احن
كل الدروب الفتهن في يوم معاكِ انا بحرقن
ضوقى الالم طعم الدموع وانسجى اوهامكِ مدن
ضايعات علي شط الغرام لافيها ساكنين
لاطيور لاحتي بتجيهن سفن
إذا مانويتى انتى الرحيل
انا بوعدك
اني ارحل من دناك واصبح عدم
وانك حتبكي فراق عينيا الليله دم
وتموت جوارحك في رجاي سالك طريق اسمو العشم
لاكى ..........ميتة ..لاكى....... حيه
قاعده تصارعى في الالم
تستنى جيتي باهتمام
تغرقى براكِ في بحور وهم
تدندنى غناونينا الزمان وتموتى براكِ حسره وندم
كلما طيفي لي عندك يجي يلقاك
تبكي
انا كت بجسد دنيتِك
ناسك واهلك واي شئ
وانا عمري ماغلطته فيكِ
كان انت مافيش وله في
الامعليش حكم القدر القاكِ غلط
واهواك في الزمن الغلط
واعشق ملامحك بالغلط
مشكورة خلاص ممكن تفوتى بعد ماقلت ليك الكان
جواي
ارحلى
ولا بندم عليكِ
تعليقات
إرسال تعليق