تمام الشوق لملتقاكم

تحية وتقدير وتمام الشوق لملتقاكم . ،، لكم التحية 
يا غائب عليك الله .. تعال وأدي البلد طلة جروفك ...النخل .... والنيل وأزاهر قايمة في الحِلة ،، قدُر ما تطوّل الأيام بفوتنا معاك زمن أحلي ،، بلد تحرمنا حنيتك عليك ربك تعال خلا ،، عليك شوق الضفاف يا نيل علي ضَهَر الحنين الطال تِقِل حِمل الصبر والشيل دموعنا غزيرة تندلي ،،

حاول يا الحبيب أرجع وراك ما تسيبنا نتوجع عشان قعداتنا مُختلة ،، بدونك يا تمام الكيف ونشرب قهوة غيرك كيف ؟؟ إنت طعمنا يا شُلة ،، إلا هناكَ عامل كيف مع الغربة الضلال الزيف ،، تلاقيك وإنت باقي رهيف ،، مِوَدِر والحكاية نزيف ،، ضراعك إلا ما كلَّ تخدم والعمار خاتيك ،، وأريت كل العَرَق يا خَي تِحِت شمس البلد يا زين ،، ويروي تراب جداولك ري عشان نجني العديل والزين يبتق في المساحات ضي بدل رزقا تكوسو بعيد ،،يجيكَ ويبقي مدت إيد