قطرة من نزيف إنسان

 

متأسف علي الفات زمن طول لما قلت هويتك وبيها علي الجميع أحلف ___ومتأسف علي دم هدرتو كمان عمر مر بدون عنوان فرح مشلول في كل مكان وجرح ينزف  ___ ذكراكي ترفض النسيان ودمعي كل مايصب يابي يجف ___أنا الساكن حشا الأشعار أترجم همسة النوار لما يشف___وأصور روعة الدنيا في عمق الليل لما القمر يكشف___عذاب الدنيا ياساهية فصول حرمان وقدر أليم مؤسف___ بقيت وحدي أصارع قوة الآهات أعيش مرارة الموقف ___كنت زمان مغشوش منتظر المطر من الغيم راجي قلبا حجر يعطف___ سواد الليل يطول يمتد وموت الحيل يعود يرتد ماسك وتر حزين يعزف  __ يغني ينوح ياصحاري الويل تعالي معاي ويافرح الأماني أرجع وقف___يناول في عوازلي المطاريق والكوريق تحفر في قبر هيمان ولى طريق الشر تعيد ترصف ___وأقاوم الهجمة وحيد مسجون صابر وتخلو السكة من منصف ___الهم سكن جواي سراب وغراب يطير يمسي يدور ويلف___وصلت معاك لى سكة فايتة الحد اعايش في هوي مبتور ومتعجرف___وعايز أعرف كيف هان عليك تسيب إنسان شفيف___ مرهف بيهو الشوق يهز يعصف___ يظل مجروح يموت مذبوح يغالب في خراج الروح متعفف___وأعود أحلف وأقول متأسف___قدر مكتوب حلم مصلوب صبر أيوب زمن مجحف___ومتأسف علي أملا بنيتو هناك وماعارف عشم ألقاك طفل حزنان صابر يرجف___لأني وحيد أعصابي تهز وترز عقابي شديد عذابي يزيد وراسي يلف___وبى توب الحسرة لوتدري ياجارحة مستور ومتلفلف ___إنتي رماد نار الشوق بقت تاريخ ألم تجريح لهيب جمر يحرق في ضمير يهتف ___ أساهر الليل أفاتل شبحك الظالم عشان يرحل عشان جرحي ماينزف

http://hatimawdh.blogspot.com/2013/06/blog-post_5296.html