شمس المغيب

شمس المغيب شالت الشعاع من نور جبينِك وبسمتِك___وسكبت لآلئ الشوق وداع محتارة فيكِ وفي روعتِك___حتي البحر بين الضفاف بسرعة قال أهلا حباب جيتِك ___موج البحر يضحك معاك فوقو الرزاز ياقوت سناك متمني يلمس خصلتِك___وياريتني لو كنت البحر كنت بهديك درر وأطفي نار شوقي العلي بلوعتي وبلوعتِك ___وكنت بهدي ليكِ ريموت تتحكمي في كوني أثبت أو أفوت لو حتي بس بى نظرتك ___وممكن أفيض أصل البيوت وممكن أدس جوايا ناس لحظة تموت غصبا علي ياغالية أسمع كلمتِك ___إنتي القمر وسط النجوم وحتي النجوم بيكِ تفتخر وكان تخاف من هيبتِك___ وانتي الزهور لولاك تجف مادام شذاها الفاح زمان شايلاهو كان من نفحتِك ___ياريت تعرفي الريد الجواي وتعرفي إني بموت وراكِ وبريد عيونك وضحكتِك ___وياريتني منك وفيكِ كفاي وأتجسدك آخر مناي وأنسج خيوط اللهفة ليك منديل يناسب حضرتِك ___وإتخيلي في زول بحبك من سماع صوتِك لاشاف عيونك لا بهاك يبكي وينوح شان لقيتِك ___ غالب أعاصير الظنون أصبح غدير دمع العيون لكنو مافات سكتِك ___ ياني المعذب ومشتهيكِ بى لهفة داير يوم أجيكِ وأصبح سعادتك ومنيتك

http://hatimawdh.blogspot.com/search?updated-max=2013-05-17T11:59:00-07:00&max-results=7