وجع الخاطر ،،
أسف الحاضر ،، أسف الحاضر ،، وجع الخاطر ،، حزن معاصر
جرح يزاور الليله و باكر ،، شايل الليل بى بالطول مساهر ،، ولاهاميك وإنتى مكابره
واهمه نفسك وعامله شاطرة
إستهدى وروقى حبه ماتتكبرى شان بنريدك اصل الريده عرفنا اصولا
اصلك ماجربتى تحبى ونحن الريده عشنا فصولا
ياما عليها عزفنا الحان وكم مقطوعه واروع صوله وجوله
**** **** ****
تعالى يا إنتى وسيبى غرورِك قبل الريد مايفارق دربِك وقبل مشاعرِك تبقى كسوله
قبل عيونِك تبكي وترجعى تاني تكوسى وراي
وترجعى تاني تعاينى الصوره
**** **** ****
سيبى غرورِك وشوفى الرادك ياما بريدك زي عينيهو ، ياما اتفهم لي حالاتك
ساعة حزنك بتالم بالخاطر ينوح
ساعة فرحك يكون ضحكاتك ، ولما يريدك تنفي صلاتك!!!
*** **** ****
روقى حبه وسيبى غرورِك مره اتواضعى شان ما تعرفى حقيقة ريدي الليك حسيتو بقولو وابوح بصوت عالي
من الناس انا مادسيتو ياما كتبت فيك عزارى الخواطر
وقصر احلامي عليك بنيتوتعاينى ليهو حالفه ماتدخلى شوفى كم مره علي ايدى وايديك هديتو
جرحتى قليبي كم مره وبالحرمان يوماتي كويتى
ياما اتحمل شانك قاسي ياما في ريدِك كم زليتو
ونور الفرحه الضاوي جبينو
متعمده وقاصده برضو ليهو طفيتى
**** **** ****
سيبى غرورك وحق لوتعرفى إنو الصبر ليه حدود إنو الحزن معاي ولود إنو قلبي حنين و ودود
جايز يريدِك بى الإدمان جايز يسيبِك في وسط دروب ماتعرفى راسك من كرعيكِ
جايز تبقى امل منشود
تعليقات
إرسال تعليق