في شفق القلب فارده الانامل

فتشت ليك وانا شايل الزمن الحزين وحفنه من طين الارض ومن البنفسج دمعتين لكن لقيتك في الفؤاد ماليه المداخل بالحنين! منصبه في الخاطر فرح ,متكيه في بهو البطين ممتده في شفق القلب فارده الانامل في الاذين ضاخه السرور جوه الفؤاد ماليه المداخل اوكسجين ماليه الصدر! فتشت ليك وانا جاي من زمن المحن حازم هموم الدنيا زاد, شايل حقائب من شجن و لقيت سواقط في الطريق ضلت صوابها لدي المدن دلاني ليك بلبل رخيم مارس غناه علي غصن قال لي:بتطلعي في الصباح تهبي الازاهير العبق,تدي الفراشات السحن صبغه وعطر! فتشت ليك من بين منارات المدن وسألت عنك كل ارصفة الموانئ والسفن ودخلت اضرحة الرحيل فتشت طيات الكفن لكن لقيتك في مداي زي غيمه تستمرئ الحزن تهوي السفر!