كفاك الشفتو من الريد
06-02-2010, 11:48 م
بدايتى معاك تكون من وين مدام ياقلبي بتعاند
كفاك الشفتو من الريد وزولا جوه فيك قاعد
كفاك ياقلبى ظلم الناس وانسي هواك من أول
كفابه تكابر الاحساس وتقسي علي قليب اجمل
كفاك عذاب قلب مسكين ودروب الريده سيبا وراك فوت ارحل
حرام انك تسوقني معاك حرام ياقلبي ما تجهل
صحيح فكرت ياقلبي قبل ماتنسي دنياه
صحيح ياقلبي انكرتو ونكرت الريد وسلواه
صحيح ياقلبي انت ظلوم ظلمت قليب بتهواه
حرام ياقلبي ظلم الريد لما يكون هو دنياه
ومشيت فى السكه بتفتش ظنونك قلت كذابه
مشيت حيران وجد تائه نسيت ريدتنا وعذابه
نسيت انو القدر موجود محل ماتفوت بتشابه
نسيت انو الخداع منك حقيقه اليمه ياقلبي ان ترضاها اوتابه
اريت كان شفتي ياعيوني وشفتي عذابوا واهاتو
شفتي الكنتي انتي اذاه وسبب الآم عاناتو
شفتيه الجنيتي عليه جنيتي كمان علي حياتو
حرام ياقلبي ده الحباك وشالك نور في ظلماتو
نسيت ياقلبي ايامو وبديت اليوم في تعذيبو
نسيت انو الوهب روحو ونسيت انو الهدي قليبو
نسيتها خلاص بديت تقسي وتذيد الامو وتسيبو
ولو ياروح ده من طبعك خلاص فارقيه ده دريبو
صحيح ياقلبي لوجيت وداير الفات يكون ذكرى
امشي صافيه بي اخلاص وماتفكر تخونه مره
وتكونوأحبه من تاني وتبنوا أمل عشان بكره
ولوالاقدار بقت قاسيه تكون الصدق والاحساس
ولو في يوم صعب ريدنا بنتحدي الزمن والناس
ولوكان السماح معدوم تكون ياقلبي ليك عبره
تعليقات
إرسال تعليق