فتشــت ليــــــك
فتشت ليك وبحثت عنك بالكتير قبال امس وكمان قبيل لا لقيت عناوينك معاي لا لقيت عناويني المعاك وفضلت بس فاقد الدليل احترت والخطوات تمش مرات تقيف مرات تسير مشتاقة لى زمن الوصول لا غيث هطل في سُكاتي لا سُكاتك احترت في أمرك انا وحيرني فيك انك هنا في قلبي جوه عيوني شايلك
اتخيلك اتأملك امسك زمام المستحيل القى القدر بوجهه طل خلاك في غربة ورحيل
لاشلت من ضي بسمتك معنى الفرح
لا غشاني نسمك عليل ارحل مع الدهشة انتشي في واحة ماطلاها شي غير انسك السافر رحل وتركني زادي توحشي ياحليل ليالينا الزمان ماكنا عايشين روح وروح نرشف كؤوس حبب الغرام
وقلوبنا غرقانات هيام والفرحة من وسط الزحام بتنادي ليك فري الجناح بين الأزاهر وشوشي لازم بطهر الريد نبوح
فتشت ليك فتشت ليك في ظلمة الليل والقمرفتشت ليك لما البدر تم اكتمل
لما النجوم نسجت عقود واهدت لجيدك من مسارج الليل قبل فتشت ليك
في روعة الكون الفسيح شايل عنيك جواز سفر عبرت بيك مدن الجمال
عرفت انك في خيوط شمس الأصيل
وبحثت عنك فيها لا لقيت ليك دليل لا لقيت أثر تاريك من سافرت مافارقت يوم هدب السحر دلاني ليك إحساس جميل
زيي حسنك الممتد جذور جواي لافارقني لحظة ولاخطر بالبال تطول لحظات فراقنا وتستمرانا برضي راجيك منتظر
تعليقات
إرسال تعليق